Aksara Carakan Jawa (hanacaraka) jumlahé ana 20, yaiku disebut “aksara nglegena“. Arti nglegena yaiku aksara sing durung olih imbuhan apa-apa. Sing dimaksud imbuhan iku, bisa wujudé sandangan, pasangan, utawa tanda-tanda séjéné.
Aksara Carakan Jawa sing nglegena iku wujudé kaya ning sor iki:%20(8).png "Aksara Hanacaraka Bahasa Cirebon")
Sekiyen, ayuh pada blajar nulis carakan. Ambil gampang, apalaken dikit aksara nglegena. Contoh tembung sing ditulis nganggo aksara nglegena:
%20(9).png "Contoh penulisan kata menggunakan aksara hanacaraka bahasa cirebon")
Salah sawijiné crita sing ngembang ning daerah Cerbon yaiku crita babad. Crita babad iku minangka crita sing ngantét kelawan peristiwa sejarah lan perjuangan ning sawiji daerah.
Ning sor iki ana crita babad. Coba, wacanen sing titén!
Takbir Nyi Mas Rara Kuning
%20(6).png "babad-cirebon-tabir-nyi-mas-rara-kuning.png")
Sesumbaré pasukan Rajagaluh ora diladéni. Nyi Mas Rara Kuning sing masih ana ning jero Taman Balong Sumber, metu karo sedakep.
“Sampéyan kabéh wong lanang gagah garang, poma aja semena-mena. Aja jumawa ning jagad Sumber. Sampéyan teka bli matur. Artiné sampéyan dudu batur, ngejak ribut, ngejak tawur. Wong Sumber ora bakal kabur,” ucap Nyi Mas Rarakuning, wanodya setya maring titah Sultan Cerbon, ora bakal wedi mundur mbéla agama Islam.
“Wéléh-wéléh wong ayu, sayang, kita isin yén kudu nglawan sampéan wanodya ayu rupa”. Mandengi platat plototé pasukan Kerajaan Rajagaluh, Nyi Mas Rara Kuning ndengkluk nunduk. Dudu lantaran wedi atawa bli wani.
Nyi Mas Rara Kuning ndengak lan mekik njerit nyuwara takbir; “Allahu Akbar ... Allahu Akbar... Allahu Akbar...!”. Takbiré Rara Kuning gawé mrinding. Pating brubul, atusan wong Sumber pada metu, ngepung pasukan Rajagaluh.
Mauné pada petangtang-peténténg, ndadak mengkerut punuké. Keris kujangé pasukan Rajagaluh pada nepluk. Rayat Sumber uga para pinangéran bli kudu sampé perang tanding, pasukan Rajagaluh tunduk.